Дечињата од кикбокс клубот Fight Gym M4 со 9 медали на „PHX CUP Germany 2025“

Дечињата и младите натпреварувачи од македонскиот кикбокс клуб Fight Gym M4 постигнаа исклучителен успех на меѓународниот турнир „PHX CUP Germany 2025“, одржан на 29 ноември. Иако клубот настапил со само шест учесници, се враќа во Македонија со вкупно девет медали – шест златни, едно сребро и две бронзи. Ова е прво официјално учество на клубот на ваков турнир, а целта била да се освои барем еден медал – резултатот ги надмина сите очекувања.

Освојувачи од Fight Gym M4:

Ернес Реџиќ – злато во +90 kg K-1 (+18 години)

Али Омер Евчилер – две злата во -65 kg Light Contact и -65 kg Kick Light (15–17 години)

Максим Николовски – две злата во -65 kg Light Contact и +65 kg Kick Light (13–14 години)

Виктор Настовски – бронза во -140 cm Kick Light (8–12 години)

Ата Ѓерлек Шабани – бронза во -150 cm Kick Light (8–12 години)

Видар Враживирски – сребро во -130 cm Point Fighting и злато во -130 cm Light Contact (8–12 години)

Од Fight Gym M4 велат дека се огромно задоволни од резултатите, меѓународното искуство и спортската атмосфера на турнирот. Тие нагласуваат дека сите учесници покажале голема храброст, дисциплина и посветеност, што уште еднаш докажува дека трудот секогаш се исплатува.

Клубот најавува нови натпревари и уште посилни настапи во периодот што следува.