Делегација од Саудиска Арабија во посета на Стопанската комора на Македонија

Перспективите за унапредување на деловната соработка меѓу Кралството Саудиска Арабија и Република Македонија ќе биде тема на денешната работна средба на делегацијата од Саудиска Арабија со претседателот на Стопанската комора на Македонија, Бранко Азески.

Делегацијата од Саудиска Арабија ќе биде предводена од почесниот конзул на Македонија во Џеда, Абдулах Ал Наваисер, а на средбата покрај Азески ќе присуствуваат и неговите соработници и претставници на компании - членки на Комората.

Во делегацијата од Саудиска Арабија ќе бидат бизнисмени од повеќе дејности - инженеринг и производство, градежништво, финансиски услуги, енергетика, недвижен имот, текстилна индустрија, автомобилска индустрија и хотелиерство.