Европарламентот в среда ќе расправа за состојбата во Каталонија
На дневниот ред на заседанието на Европскиот парламент дополнително е вклучена и точка за расправа за состојбата во Каталонија, по вчерашниот референдум за независоност на овој шпански автономен регион.
Како што соопшти денеска Кабинетот на претседателот на Европарламентот, Антонио Тајани, на денешниот старт на овонеделното парламентарно заседание, пратениците решија оваа точка да биде вклучена во дневниот ред на сесијата и по неа ќе се расправа в среда попладне.
Претходно денеска, Европската комисија ја повтори својата позиција дека референдумот за независност на Каталонија не е во согласност со Уставот на Шпанија.
- Референдумот не е легитимен според шпанскиот устав, рече портпаролот на Комисијата, Маргаритис Схинас, додавајќи дека каталонското прашање е „внатрешна работа на Шпанија“.
Претседателот на Европскиот Совет, Доналд Туск од својата страна повика да се изнајде начин да се избегне натамошна ескалација и употреба на сила во Каталонија.
Речиси 900 лица беа повредени вчера во судирите до кои дојде при обидите на шпанската национална полиција да ги затвори гласачките места за референдумот за независност на Каталонија.
Ново на Сител
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи