Европска турнеја на Брајан Адамс
Популарниот канадски рокер Брајан Адамс, кој во текот на својата речиси 40-годишна кариера продаде над 100 милиони албуми, годинава ќе одржи тирнеја во Европа.
Во соопштението објавено на неговата веб страница и на официјалниот Фејсбук профил, се наведѕва дека на оваа европска турнеја Адамс ќе го промовира последниот албум „Get Up“.
Турнејата почнува во јули, а ќе заврши на 19 ноември со концерт во чешкиот град Брно. Во текот на турнејата Адамс, ќе има настапи и во Велика Британија, Германија, Холандија, Австрија, Белгија, Италија, Швајцарија и Хрватска.
Најблизу до Македонија, Брајан ќе одржи концерт на 9 ноември во Загреб.
Својата музичка кариера Брајан ја започна во 70-те години на минатиот век, а светска слава доживеа во 80-те со четвртиот албум „Reckless“. Некои од неговите најпознати мелодии, кои денеска важат за класици на музиката и евергрини, се „I do it for you“, „Pleаse forgive me“, „All for love“, „Summer of '69“, „Have you ever really loved a woman“, „Run to you“, „Cuts Like a Knife“, „Heaven“...
Неговиот сингл „I do it for you“ од 1991 година беше 16 недели на првото место на британската топ листа, што се уште е ненадминат рекорд.
Неговиот последен студиски албум „Get Up“ е објавен во 2015 година.
Со досега продадени над 100 милиони албуми, Адамс се вбројува меѓу најпродаваните рок изведувачи на сите времиња.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје