Федерер сè уште недостижен за Ѓоковиќ според заработката
Светскиот рекет број 1 Србинот Новак Ѓоковиќ во 2023 година го истисна Шпанецот Рафаел Надал од второто место според заработувачката во светот на тенисот, но Швајцарецот Роџер Федерер сè уште е недостижен во оваа категорија.
Ѓоковиќ со освојувањето на АТП финалниот турнир во Торино минатиот месец инкасираше дополнителни 4.4 милиони долари и дојде до бројката од 520 милиони долари кои досега ги заработи во кариерата. Вклучувајќи ги приходите и од спонзорства, Ѓоковиќ го престигна Надал, кој досега заработи 515 милиони долари.
На врвот на листата останува Федерер, кој во текот на кариерата заработи 1.2 милијради долари, што е повеќе од заработката на Ѓоковиќ и Надал заедно.
Иако професионалната кариера ја заврши во 2022 година, Федерер сè уште заработува од бројните спонзорски договори кои само во 2023 му донесоа заработка од 95 милиони долари.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите