Франција не знаела за терористичката група од Барселона

Француските власти не знаеле дека постои терористичката група која ги изврши нападите минатата недела во Барселона и Камбрилс, изјави францускиот министер за внатрешни работи Жерар Колом.

- Не знаевме за нив, истакна Колом, додавајќи дека тие главно дејствувале во Шпанија.

Тој нагласи дека утре ќе оствари средба со шпанскиот министер за внатрешни работи.

Колом претходно ги потврди медиумските наводи дека автомобилот, кој бил употребен за нападот во Камбрилс, е снимен од безбедносните камери во регионот на Париз, но истакна дека властите во тој момент не знаеле зошто возилото се наоѓа тука.