Герасимовски: 3.300.000 денари за поддршка на повозрасните жители во социјален ризик од Центар
Околу 14.000 жители од социјално ранливите категории од општина Центар, ќе добијат финансиска помош од Општината, со цел да им се подобрат животните услови во моменталната економска криза.
Ова го одлучија советниците на Советот на Општина Центар на 16-тата седница, со Измена и дополнување на Програмата за здравствена, социјална заштита и заштита на деца за 2022 година.
-Во овој тежок период, кога сите се соочуваме со последиците од поскапувањата предизвикани од целокупната економска состојба, ние како општина повторно успеавме да им излеземе во пресрет на највозрасните. Ова можеби најмногу им го должиме на оние што нè одгледале и оние кои се најзаслужни за тоа каде сме денес, изјави градоначалникот на општина Центар Горан Герасимовски.
За новата програмска активност „Поддршка на повозрасните граѓани – пензионери во социјален ризик” од Буџетот на општината се издвоени 3.300.000,00 денари и овие средства се наменети за примателите на најниски пензии за да им се помогне во услови на зголемени животни трошоци.
По претходно доставената документација на увид, финансиските средства за оваа група граѓани ќе бидат префрлени на нивните трансакциски сметки.
-Општина Центар во континуитет им дава финансиска поддршка на оние на кои им е најмногу потребна, а со оваа практика ќе продолжи и во иднина, велат од Општината.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан