Германскиот парламент одобри повлекување војници од турската база Инџирлик

Германскиот парламент одобри денеска повлекување на трупите од воздухопловната база Инџирлик во Турција откако Анкара не дозволи германски пратеници да ги посетат војниците шпто се таму стационирани.

За таа одлука гласаа 461 од 569 пратеници додека 85 беа против и 23 воздржани.

Парламентот соопшти дека поддржува план 280 германски војници од Инџирлик да се преместат во база во Јордан и се очекува повлекувањето да почне многу брзо.