Ѓоковиќ по деветти пат го освои Австралија опен
Најдобриот тенисер на светот, Новак Ѓоковиќ е победник на годинашното издание Австралија опен. Србинот до деветтиот трофеј и трет во низа на Грен слемот во Мелбурн дојде по релативно лесната победа над Данил Медведев претпладнево во финалниот меч кој траеше нешто помалку од два часа.
Во првиот сет Ѓоковиќ на Русинот му препушти 5 гема (7:5), а следните два сета ги доби со по 6:2.
Ѓоковиќ покажа дека и натаму е неприкосновен кога се работи за првиот Грен слем во годината и доминантен во светскиот тенис. Тој ја оправда фаворитската улога. За него ова беше 18-та Грен слем титула. Му остануваат само уште две да се изедначи со рекордерите, Рафаел Надал и Роџер Федерер.
Од друга страна, четвртиот носител на турнирот, доживеа пораз по серија од 20 победи, воедно го загуби и своето второ финале на Грен слем турнирите.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите