Гостиварец се бори за живот по пад од втор кат

Педесет и две годишен гостиварец се здобил со тешки повреди по паѓање од станот во кој живеел во близина на Долна Бањица. Тој вчера околу 15 часот бил донесен во гостиварската болница со повреди на телото, од каде заради животно загрозувачката состојба е пренесен на скопските клиники.

Според СВР Тетово, екипа за увид и јавен обвинител излегле на местото каде што Ц.Н. паднал. Од се уште неутврдени причини тој паднал од вториот кат на зградата во која живеел во близина на Долна Бањица. Во моментот на падот, тој бил сам дома и се истражува како дошло до несреќата.

Според последните информации, несреќниот маж се наоѓа во критична состојба.