Груби - Ветингтон: На Северна Македонија и треба политичка стабилност, oставката на Заев е избрзана
Првиот вицепремиер и министер за Политички систем и односи меѓузаедниците, Артан Груби денеска оствари средба со членот на Управниот одбор на Меѓународниот Републикански Институт (ИРИ), г. Олин Ветингтон.
Груби и Ветингтон на оваа средба разговараа за политичката состојба во земјата, со посебен акцент на локалните избори кои се одржаа во месец oктомври и периодот по нивното завршување.
Груби истакна дека на Република Северна Македонија и треба стабилност, предвидливост и дека оставката на премиерот Заев е избрзана.
Првиот вицепремиер Груби му порача на членот на Управниот одбор на Меѓународниот Републикански Институт (ИРИ), г. Олин Ветингтон дека на земјата и е потребна стабилност во политиките наспроти енергетската криза која се очекува да ја зафати не само Северна Македонија туку и цела Европа, здравствената криза и не заборавајќи на продолжувањето на разговорите со Република Бугарија, но и строгото спроведување на Преспанскиот договор.
На крајот на оваа средба, Груби му се заблагодари на американската ИРИ што и понатаму е силен поддржувач на Република Северна Македонија на нејзиниот пат кон развојот и интеграцијата во Европската Унија.
Ново на Сител
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи