Хоспитализирани уште седуммина со голема кашлица, вкупно 786 случаи во државава
Од 14 до 20 јуни, пријавени се 41 нов случај на пертусис, народски кажано голема кашлица. Најголем дел од случаите се пријавени во епидемијата во Скопје - 31, седум случаи се евидентирани од Куманово, два од Тетово и еден случај од Македонски Брод. Возраста на заболените се движи од еден месец до 81 година, а најголем број случаи се од возрасната група до четири години. Од новите, седум случаи или 17,1 отсто се хоспитализирани, информираат попладнево од Институтот за јавно здравје (ИЈЗ).
- Заклучно со 20 јуни, во Република Северна Македонија се регистрирани вкупно 786 случаи на голема кашлица, со инциденца од 42,8/100.000 жители. Тоа претставува неколкукратно зголемување на бројот на заболени во однос на изминатиот петгодишен период - 2019-2023 година, кога се регистрирани вкупно 10 случаи, се наведува во извештајот на ИЈЗ.
Дистрибуцијата по пол покажува дека 366 лица се од машки, а 420 од женски пол.
Најголем број од случаите се хоспитализирани во Универзитетска клиника за белодробни заболувања кај деца во Козле. Во просек, заболените биле хоспитализирани по девет дена.
Во тек се две епидемии пријавени на територијата на Скопје и на Куманово.
Од 18 јануари до 20 јуни, дадени се вкупно 55.143 дози вакцина со компонента против голема кашлица.
Ново на Сител
-
Ќе се најде ли натпартиски консензуз за уставните измени со одложено дејство
-
Тема на денот со министерот за култура, Зоран Љутков
-
ДМ Дрогерие Маркт донира над 200 диспанзери со хигиенски влошки за јавни универзитети
-
Пораката од таткото на Вања: „Кажете само колку пари треба?“
-
ЛКМ: Прво Таравари да достави решение кој е одговорен па потоа комората ќе постапува
-
Менаџментот на Детска клиника одлучи
-
Мицкоски и врати на Јотова: Почитувајте ги Македонците во Бугарија
-
Кој ја партизира АНБ - ВМРО-ДПМНЕ и СДСМ денеска со меѓусебни обвинувања