Камерниот оркестар од Битола одржа концерт во Кавадарци
Камерниот оркестар од Битола синоќа одржа концерт во Домот на културата „Иван Мазов Климе” во Кавадарци. На репертоарот беа познати поп-рок композиции од седумдесетите, осумдесетите и деведесетите години на минатиот век.
Настанот беше од мултимедијален карактер и е дел од “Топлиот културен бран“ во организација на културниот дом, Локална самоуправа Кавадарци и Министерство за култура на Република Македонија.
Станува збор за музичка турнеја на камерниот оркестар, со проектот „Рок симфони“, со незаборавни рок хитови од „Квин“, „Ди парпл“, „Лед цепелин“ и други незаборавни рок мајстори..
- Ова ќе биде, се надеваме, нашиот најуспешен проект на кој учествуваат над 25 учесници, рече Владимир Димовски, координатор на оркестарот.
Владимир Темков, директор на домот на културата, нагласи дека ова е еден од првите големи културни случувања во рамки на „Топлиот културен бран“ во Кавадарци, а ќе следуваат уште неколку значајни настани кои го заслужуваат вниманието на јавноста.
Во Кавадарци следуваат големи културни случувања, најави и кавадаречкиот градоначалник Александар Панов.
- Тука се џез фестивалот и ликовната колонија, па големите настани од културата кои ги подготвуваме за време на “Тиквешки гроздобер 2016” година и за 7-ми Септември, денот на ослободувањето на Кавадарци, изјави Панов.
Ново на Сител
-
И граѓаните на БиХ ќе ги бојкотираат продавниците
-
АМСМ: Намалена видливост поради магла кај Д.Капија, Петровец – Велес, Битола и Прилеп
-
Без струја утре делови од Аеродром, Бутел и Карпош
-
Детектор анкета: Американската црна листа поттикнува истраги во Македонија
-
МЖСПП: Надминат прагот на алармирање за аерозагадување во Струмица, стапуваат во сила мерки и препораки
-
Покренато обвинение против суспендираниот јужнокорејски претседател Јун Сук-Јол
-
25-годишен скопјанец со „мерцедес“ удрил во канделабра
-
Малолетници од Гостивар во бессознание завршиле на болница - пиеле алкохол во дискотека