Казна за „тепачот“ од Наполи

Тренерот на фудбалерите на Наполи, Маурисио Сари на две средби во Купот на Италија нема да може да го предводи својот тим поради „хомобофичните и расистичките“ навреди кои ги упатил кон колегата од Интер, Роберто Манчини.

 

Сари покрај суспензијата е казнет и парично со 20.000 евра, а казна доби и Манчини, тој ќе плати 5.000 евра, поради расправијата со Сари и поради непочитувањето на четвртиот судија.

 

Фудбалскиот клуб Наполи, поради непримерното однесување на навивачите на мечот со Интер е казнет парично со 15.000 евра.

 

Инаку, Сари суспензијата ќе ја одработи наредната сезона, бидејќи таа се однесува на натпреварите во Купот на Италија, а Наполи во вторникот беше елиминиран од Интер.