-->
-->
Книга на жалост за амбасадорот Карлов во Руската амбасада во Скопје
-->
![](/sites/default/files/styles/large/public/article/teaser-images/2016/december/rusija1cascsdcdc-29855-65177_1-81842-94341.jpg?itok=gEnP3IlI)
По повод трагичната смрт на вонредниот и ополномоштен амбасадор на Руската Федерација во Република Турција, Андреј Карлов, кој беше убиен во терористички напад во Анкара, на 22 и 23 декември во просториите на Руската амбасада во Скопје ќе биде отворена Книга на жалост.
Како што соопштија од Амбасадата, Книгата на жалост ќе биде отворена во периодот од 10 до 13 и од 15 до 17 часот.
Амбасадорот Андреј Карлов беше убиен вчера во терористички напад во Анкара. Турските власти го идентификуваа убиецот на рускиот амбасадор, кој е ликвидиран веднаш по нападот, како Мевлут Мерт Алтанташ, 22-годишен полицаец од силите за спречување масовни безредија.
Убиството беше извршено во момент на приближување меѓу Русија и Турција и на евакуација на сириските бунтовници од северниот град Алепо. Москва и Анкара оценија дека целта на нападот е да ја поткопа нормализацијата на руско-турските односи, за да не може двете страни да водат поефикасна борба против тероризмот во Сирија.
Истражен тим составен од претставници на руските специјални служби, Истражниот комитет и Министерството за надворешни работи замина за Турција за да се приклучи во истрагата за убиство на рускиот амбасадор Карлов. Како што изјави денеска портпаролот на рускиот претседател Дмитриј Песков, во тимот има вкупно 18 луѓе, а ќе биде дел од истрагата за убиството на Карлов.
-->
-->
-->
Ново на Сител
-
На Табановце се чека 15 минути, на другите гранични премини нема подолги задржувања
-
Собранието ќе ги пополни местата на пратениците кои станаа министри
-
Асанж пуштен од затворот во Велика Британија
-
Почнува собраниската постапка за дополнување на Законот за енергетика за да се намали цената на струјата од 1 јули
-
Официјално претставување на проектот за развој на парк на ветерници, вреден над 500 милиони долари
-
Македонија трета во Европа според стапката на смртни случаи од огнено оружје
-
ЕУ ги започнува преговорите за членство со Украина и Молдавија
-
Стејт департментот ги внесе Русија и Белорусија во списокот држави спонзори на трговија со луѓе