Комплетирано 25-коло во Првата македонска кошаркарска лига

 

 

Шампионот МЗТ Скопје Аеродром на гостувањето во Гевгелија кај Кожув славеше победа со 61-54. Аеродромци веќе го имаа обезбедено првото место и пласманот во полуфиналето.

 

А, за второто место кое носи директен пласман во полуфиналето ќе се борат три екипи. Карпош Соколи засега има една победа повеќе во однос на конкурентите Фени Индустри и Куманово.

 

„Соколите“ синоќа очекувано и убедливо го победија последно пласираниот Бест со 86-48.  

 

Победи занележаа и Куманово на гостувањето кај Струмица до 80-70 и Фени Индустри кој со 108-93 го совлада Работнички. 

 

Табела: МЗТ Скопје Аеродром 23-2 (победи-порази), Карпош Соколи 18-7, Фени Индустри 17-8, Куманово 17-8, Кожув 11-14, Работнички 10-15, Струмица со 4-21, Бест 0-25.