Краткиот филм „Брат за еден ден“ со aзиска премиера во Индија
Краткиот филм „Брат за еден ден“ на режисерот Стојан Вујичиќ, во копродукција на Лунар и Дрим Фектори, ќе има азиска премиера во официјалната натпреварувачка селекција на Интернационалниот фестивал на кратки филмови во Делхи, кој започнува на шести ноември.
Филмот е финанскиски помогнат од Агенцијата за филм на Република Македонија.
„Брат за еден ден“ во изминатиот период учествуваше во официјалните селекции на „Fish Еye Film Festival 2016“ во Англија, а ќе продолжи и на фестивалот „Balkan Beyond Borders 2016“
Филмот „Брат за еден ден“, како што информираат од Лунар и Дрим Фектори, на прв поглед изгледа дека е приказна за различни националности. Главните улоги ги толкуваат седумгодишните Леон Кемал и Моника Бошковиќ, заедно со актерите Тони Михајловски и Камка Тоциновски. Филмот е снимен минатата година во Скопје, а авторска екипа ја сочинуваат: директорот на фотографија Димо Попов, монтажерот Ванчо Мираковски, сценографот Влатко Зафировски, костимограф е Раде Василев, автор на музиката Оливер Димитров, снимател и дизајнер на звукот е Игор Поповски, а продуцент на филмот е Огнен Антов.
Режисерот Стојан Вујичиќ во меѓувреме го заврши својот нов краток филм „Допир” кој својата премиера ќе ја има на фестивалот Синедејс 2016 во Скопје, а го подготвува и своето деби, целовечерниот игран филм „Стела“.
Ново на Сител
-
Убиство како на филм во Батинци: Напаѓачите избегале со маски, дигнат е хеликоптер
-
Филипче нов лидер на СДСМ покрај бројни сомнежи за изборни злоупотреби
-
Мицкоски: Преспа е завршена работа - со Бугарија пак ќе преговараме
-
Муртезани: Уставните измени ќе се случат, алтернатива нема да има
-
МНР го повика на консултации амбасадорот во Албанија
-
Ќе се спојуваат разузнавачките агенции, утре на владина седница нови именувања во третиот ешалон
-
Распишан тендер за нова компресорска станица – хируршките сали на Клинички нормално ќе профункционираат во декември
-
Фејсбук измама со криптовалути, злоупотребено името на премиерот