Кривична пријава за жител на Берово поради криволов и поседување оружје без дозвола
Во беровско регистриран случај на незаконит лов, поради што 67 годишен беровец заработи кривична пријава. Криволовот, како што информираат од беровската полиција е регистриран во текот на последниот ден од ловната сезона кај месноста „Црвени брегови“, по претходно спроведена заедничка акциска контрола на беровското ловно друштво и полициски службеници.
– На 31 јануари 2021 година во периодот од 6 до 14 часот, претставник на ловното друштво „Дабевец“, полициски службеници при Надворешна канцеларија за криминалистички работи и Полициска станица Берово спроведоа заедничка акциска контрола за незаконит лов. За време на акцијата на место викано “Црвени брегови” во атарот на Берово, затекнат при вршење незаконит лов е лицето Б.З.(67) од Берово. Лицето е затекнато со ловечка пушка за која немал дозвола, на локација за која ловното друштво нема концесија, со што сторил кривично дело по чл.396 од Кривичниот законик, се вели во соопштението од полицијата во Берово.
По насоки на Јавен обвинител, оружјето на 67 годишниот (Б.З) е одземено, а по целосно документирање на случајот, против него се најавени соодветни поднесоци за вршење незаконит лов од чл.228 од Кривичниот законик.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час