Левица: Задолжителното осигурување на посевите е уште еден удар врз индивидуалниот земјоделец
Владата на Република Македонија најави дека во тек е изработка на Закон за задолжително осигурување на земјоделските посеви, добитокот и пчелните семејства, како услов за земјоделците да си ги земат субвенциите од страна на државата.
Како и многу пати досега, оваа Влада се оградува од своите задачи, обврски и одговорности, па истите ги префрла на товар на индивидуалните земјоделци
Задолжителното земјоделско осигурување нема да спречи појава на град, суша, поплава и други непогоди, туку нив ќе ги спречат ефикасни градобијни системи, квалитетна мрежа за наводнување и одводнување, односно исчистени канали во полињата.
Во услови кога во светот цената на храната од ден на ден е се поскапа, кога нејзината количина е лимитирана, должност на Владата е да им помогне на земјоделците слободно да произведуваат и со превентивни мерки го заштити производството на храна, а не да ги уценува со задолжително осигурување како услов за исплата на субвенции.
Левица согледувајќи ги маките со кои се соочува работниот народ и земјоделците, во својата програма има предвидено низа превентивни мерки од временски непогоди како: инсталирање на модерни градобијни системи, модернизација на мрежите за наводнување со инсталации на системи ‘капка-по-капка’ за економично ракување со водата и инвестиции во антифрос системи.
Програмата на Левица предвидува и задолжително пензиско и здравствено осигурување на земјоделците кое ќе биде на товар на државата.
Политичка партија Левица
Ново на Сител
-
Нови два случаи на Ковид-19, во 2025 вкупно 13 заболени
-
Четворица обвинети за инцидентот со пукање со пиштол во Чаир во кој едно лице беше рането
-
Судењето за убиството на малолетната Вања Ѓорчевска и Панче Жежовски продолжува на 27 јануари
-
Косовец се обидел да пренесе 48.000 пара чорапи преку Блаце
-
37-годишник загина во пожар во сопствената куќа во Делчево
-
Скопје без парно, родители добиваат повик да си ги земат децата од училиштата и градинките
-
„Не апсеа и казнуваа по 173 евра за знамето со сонцето од Кутлеш“, сведоштва на македонски навивачи во Вараждин
-
Поскапуваат горивата