Мицкоски: Францускиот предлог дојде откако власта во државава го прифатила, имам информација дека преговарачки тим води тајни разговори во Софија
Толку се максималистички барањата на официјална Софија што дури и овие кои овие 2-3 дена се таму и преговараат од името на граѓаните без не знам кој мандат им дал. Тие барања не се прифатливи бидејќи се толку максималистички што се навистина надвор од здрава логика и надвор од сите европски вредности, изјави Претседателот на ВМРО-ДПМНЕ Христијан Мицкоски во вечерашното гостување во „Тема на денот“ на Сител ТВ.
„Овој последен предлог е апсолутно асиметричен и е 100-0 во корист на нашиот источен сосед. Иако да бидеме реални, тој предлог немаше да биде на масата ако некој претходно тој предлог не го прифатил“, рече Мицкоски.
Мицкоски додаде дали тоа бил Ковачевски, дали тоа бил Османи или дали тоа бил некој друг околу нив да бидеме реални нема да си дозволи администрацијата на ЕУ ниту пак на земјата која што претседава таков предлог да го стави на маса без да добие согласност од страните кои преговараат.
„Владата тогаш се препелкаше дека не знае за каков предлог и дека сеуште не го добила тој предлог, за да потоа излезе дека всушност тие веќе неколку месеци преговарале. Приказните дека не е прифатен е само поради тоа што народот излезе, тоа што ВМРО-ДПМНЕ излезе и тоа што добивме општествено не“, кажа Мицкоски.
Мицкоски упати апел на тоа медиумите да истражат за тајни преговори, бидејќи според нашите информации изминативе неколку дена во официјална Софија се Мето Белевски и Агнеса Руси да преговараат за протоколот.
Мицкоски заклучи дека нашиот став е јасен и прецизен а тоа е дека нема преговори за јазикот, никакви фусноти не се прифатливи за нас како политичка партија нити пак за мене.
Центар за комуникации на ВМРО-ДПМНЕ
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот