Најмалку шестмина загинати во ракетен напад врз Триполи
Најмалку шест лица загинаа, а 35 се повредени во ракетен напад извршен врз главниот град на Либија, Триполи, јави агенцијата Анадолија.
Во соопштение што го објави Собранието на општината Ебу Селим во Триполи, се наведува дека врз подрачјето на Ебу Селим е извршен ракетен напад во кој животот го загубија шест лица, од кои пет биле жени, додека 35 се повредени.
Претседателот на Владата на национално единство на Либија, Фајиз ал Сараџ, го посети подрачјето кое беше цел на ракетен напад.
Во обраќањето за време на посетата на Ебу Селим, Сараџ го нарече генералот Калифа Хафтар „воен злосторник“, додавајќи дека пред Меѓународниот кривичен суд ќе бидат поднесени документи за прекршувањата што ги извршиле силите на Хафтар, информира Анадолија.
Според веста што ја објави либиската телевизија „Ахрар “, портпаролот на Владата на национално единство ги обвини силите на Хафтар за бомбардирањето на Триполи, додавајќи дека „бомбардирањето на цивилите од страна на силите на Хафтар е доказ за пораз на бојното поле“.
Светската здравствена организација соопшти дека во судирите кои траат веќе 12 дена во Либија, досега загинале 174 лица, а 756 се повредени.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија