Нанесени штети на 102 хектари засадени со земјоделски култури од невремето во Гевгелиско
Општинската комисија за проценка на штети од елементарни непогоди денеска во првичниот извештај оцени дека од невремето проследено со поројни врнежи од дожд и град што ја зафати општина Гевгелија на 24 април годинава нанесени се штети на вкупна површина од 102 хектари засадени со земјоделски култури и посеви.
Најпогодени од невремето биле населените места Негорци и Прдејци од каде што пристигнале сите пријави за нанесени штети од страна на 92 физички и две правни лица.
По извршениот увид на терен, комисијата констатира дека најмногу настрадале раноградинарските култури, лозовите насади,овошните садници и житните култури кај кои степенот на оштетување изнесува од 10 до 100 отсто во зависнот од погоденото подрачје. Најголеми се штетите во атарот на Прдејци на површина од 78 хектари, а во Негорци штети се проценети на 24 хектари.
Извештајот на комисијата ќе се најде на првата седница на општинскиот Совет, кој треба да донесе одлука за изработка на Елаборат за причинетите штети од невремето.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан