Наполитанците лудо ја прославија шампионската титула, има загинато лице и многу повредени

Фудбалерите на Наполи одиграа 1-1 на гостувањето во Удине што им беше доволно да ја заверат шампионската титула која по пауза од цели 33 години доаѓа во Неапол.

Уште од времето на Марадона кога беа освоени две титули жедно се очекуваше овој трофеј кој е трет во историјата на клубот во шампионските витрини.

Титулата се славеше на трибините во Удине, во соблекувалните, на стадионот на Наполи и секако најбучно на улиците на Неапол.

Според информациите едно лица во екстремното славје го загубило животот додека повеќе од 200 се повредени.

Ова е прв шампионски трофеј на Апенините и за македонскиот репрезентативец Елиф Елмас кој изјави дека токму играчите од малите земји како Македонија, Косово и Грузија и даваат шмек на оваа титула.