Не се знае кој вршел градежни активности на брегот на Охридското Езеро, градоначалникот најави враќање на локацијата во првобитна состојба
Овластени лица од Државниот инспекторат за животна средина, Градежниот инспекторат од Општина Охрид како и полициска екипа извршиле увид на местото каде неодамна со механизација се интервенираше на самиот брег на Охридското Езеро.
Градоначалникот на Охрид Константин Георгиески денеска изјави дека направени се записници од увидот, се чека информација од полиција за идентификација на сторител за да се поднесат соодветни пријави.
– Наредната седмица ќе ангажирам градежна механизација и сето тоа што таму е насипано ќе биде отстрането, а земјиштето ќе биде вратено во првобитна состојба, рече Георгиески.
Пред три дена со тешка градежна механизација и камиони се насипувааше земја на самиот брег на Охридското Езеро, во населбата Далјан на потегот пред Извидничкото одморалиште. Од СВР – Охрид се уште нема информација за тоа чија е механизацијата и кој стои зад недозволеното узурпирање на строго заштитениот крајбрежен појас на езерото.
Ново на Сител
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал