Одлично за скара: Американец праша дали може да пече мачмалоу над кратер од вулканот, одговорот е спектакуларен

Големиот остров на американската сојузна држава Хаваи стана пекол на земјата поради повеќенеделните силни ерупции на вулканот Килауеа, а многу Американци сметаа дека тоа не е ништо страшно.

Многу туристи на Големиот остров веќе ја предизвикаа судбината со невнимателното однесување како што е позирање на голф терените со столбови црн чад во позадината, но поради еден корисник на Твитер се вознемирија и експертите од Геолошкиот институт на САД.

Еден отворено ги праша експертите на тој иснститут дали „е безбедно да се пече мачмалоу над пламенот од вулканот? Секако, ако имам доволно долг стап“.

„Мораме да ви кажеме - не, не е безбедно. Ве молиме не се обидувајте! Ако кратерот изфрла сумпор - диоксид или водород- слфид, мачмалоуто ќе има одвратен вкус. А ако сумпорната киселина (од вулканскиот смог, на пример) се закачи за шеќерот, ќе имате прилично спектакуларна реакција“, му одговорија од Институтот.