Oколу 2.000 новозаразени и 191 починати од коронавирус во Бугарија

Во Бугарија потврдени се 1.959 нови случаи на коронавирус во последните 24 часа, а 191 лице починале.

Од последниот пресек, тестирани се 6.113 лица.

Во моментот има 7.034 пациенти во болниците, од кои 570 се на интензивна нега, пренесува „ТАСС“.

Досега се заразени 8.178 медицински работници, а земјата се соочува со недостиг на персонал во болниците, поради што се ангажирани волонтери, вклучително и студенти по медицина и општи лекари.

Од почетокот на епидемијата, 186.240 лица се заразени во Бугарија, а 6.196 починале.