Општина Босилово со грант ќе набави нови контејнери
Со грант од УНДП во висина од 26 илјади евра Општина Босилово ќе набави 145 метални контејнери за собирање смет.
Таква одлука донесе Советот на општината на вонредната седница, а Босилово е една од селектираните општини која е добитник на оваа грантова шема.
Според градоначалникот Зоран Зимбаков, одлуката грантот да се употреби за набавка на метални контејнери е поради подобрувањето на општинските услуги.
-Со тоа ќе го подобриме капацитетот на услугата на комуналното претпријатие, а ќе им олесниме и на вработените во собирањето на сметот, бидејќи еден контејнер можат да го користат шест до седум домаќинства. Дел од досегашните буриња што се користеа за собирање на сметот ќе бидат исфрлени од употреба и ќе бидат заменети со контејнери, рече градоначалникот на Босилово, Зоран Зимбаков.
Дваесет контејнери ќе бидат поставени во институциите кои се под надлежност на општината, а останатите во населените места и во општинскиот центар Босилово.
Ново на Сител
-
Во Струмица оштетен билборд на претседателскиот кандидат Бујар Османи
-
Бојмацалиев: Пронајден e сторителот што ја оби пратеничката канцеларија на Лефков
-
Лефков од ВМРО-ДПМНЕ објави дека е разбиена неговата пратеничка канцеларија во Кочани
-
Утре влажен бран со силен ветер и врнежи над 20 литри на метар квадратен
-
Штрајкот на приватните специјализанти времено ставен во мирување
-
Меѓународна полициска акција во БиХ
-
Нова промена на цените на горивата
-
Големи поплави во Кина | ВИДЕО