Орбан: Ќе ги употребиме сите средства за да ја принудиме Украина да продолжи да испорачува руска нафта

Унгарија ќе ги употреби „сите мерки и средства“ што ѝ се на располагање за да ја принуди Украина да продолжи да испорачува руска нафта, изјави денес премиерот Виктор Орбан.

„Го запревме извозот на дизел во Украина, сè уште го одржуваме извозот на електрична енергија. Ќе ги запреме транзитните пратки што минуваат низ Унгарија, кои се важни за Украина, сè додека не добиеме одобрение од Украина за испораки на нафта“, рече унгарскиот премиер.

Синоќа, украинската влада ја обвини Унгарија дека држи група украински банкарски службеници како „заложници“. Тие транспортирале „35 милиони евра и 9 килограми злато“ низ Унгарија.