Оскар: 81 кандидат во категоријата најдобар странски филм
Осумдесет и една земја ги кандидираа своите остварувања за најдобар странски филм на 88. доделување на Оскарот, објави американската Академија за филмска уметност и наука.
Списокот на земјите кои ги кандидираа своите филмови ги вклучуваат и претходните повеќекратни добитници како Франција, Италија и Шпанија, но и оние кои се појавуваат првпат како што е Парагвај.
Политичкиот трилер „Медена ноќ“ на режисерот Иво Трајков е избран за македонски кандидат на 88-то издание за наградата Оскар, на Американската академија за подвижни слики, уметност и наука за филмови од неанглиско говорно подрачје. Филмот бил единствен пријавен и бил избран едногласно, соопшти Дрштвото на филмски работници.
Во „Медена ноќ“ Никола Ристановски глуми функционер кој дознава дека луѓето околу него биле уапсени, а приказната се преплетува меѓу политичката тензија и личните брачни проблеми со неговата сопруга.
Хрватското здружение на филмски работници за хрватски претставник за наградата Оскар го одбра филмот „Звиздан‟ на Далибор Матаниќ, хрватско-српско-словенечко-црногорска копродукција, филмот „Ти мене ме носиш‟, создаден според сценарио и во режија на Ивона Јука е црногорски кандидат, а босанскохерцеговски адут е „Наша свакодневна прича‟ на Инес Тановиќ, во копродукција на БиХ, Хрватска и Словенија.
Осумдесет и осмата церемонија на доделување на Оскар ќе биде одржана на 28 фебруари идната година, а номинациите ќе бидат објавени на 14 јануари.
Минатата година за најдобар странски филм наградата ја доби „Ида‟ на Полјакот Павел Павликовски.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО