Отец Бобан: Коледарските огнови не се христијански обичаи, се пие алкохол и се јаде мрсна храна

Отецот Бобан од Македонската православна црква (МПЦ) во Тема на денот во Дневникот на Сител информира дека постои одлука на Скопската епархија, според која свештениците и поповите не смеат да учествуваат на коледарските огнови и да вршат богослужба.

-Вакви огнови ја губат смислата. Литургијата и богослужбата се правилен момент. Коледарските огнови ја губат традицијата. Порано се пееле побожни песни, а денес е сосема различно. Сега гледаме конзумација на алкохол и мрсна храна на ваквите настани во време на строг пост, како и ора и песни кои немаат никаква поврзаност со верата и Бога. Овие не се христијански обичаи и го губат христијанскиот елемент. Сепак верувам дека граѓаните имаат слух, рече отецот Бобан.

Отецот додава дека ова не е традиција, поради тоа што не се чествува насекаде низ Македонија.

Свештеното лице исто така информира дека лепчето со паричка не е традиција на Божиќ.

-Увезен е кај нас ваквиот обичај. Лепчето се крши само за Василица, додаде отецот Бобан.