Откажан фудбалскиот натпревар меѓу Северна Кореја и Јапонија
Квалификацискиот натпревар за пласман на Светското фудбалско првенство во 2026 година меѓу Северна Кореја и Јапонија, кој требаше да се игра во Пјонгјанг следната недела, е откажан, соопшти денеска Азиската фудбалска конфедерација (АФЦ).
Како што пренесува агенцијата Кјодо, Северна Кореја, која нема дипломатски односи со Јапонија, одлучи да не го организира натпреварот во Пјонгјанг поради загриженост од ширење на заразни болести од Јапонија.
„Одлуката, донесена во консултација со ФИФА и релевантните органи, доаѓа откако АФЦ на 20 март ја информираше фудбалската асоцијација на Северна Кореја за потребата да се премести натпреварот на неутрално место поради неизбежни околности“, соопшти АФЦ, додавајќи дека случајот сега ќе биде предаден на соодветните комисии во ФИФА.
Јапонија и Северна Кореја се во групата Б од квалификациите за СП 2026 година, заедно со Сирија и Мјанмар. Јапонија ја совлада Северна Кореја со 1-0 во првиот квалификациски натпревар во Токио во четвртокот.
Северна Кореја последен пат беше домаќин на машката фудбалска репрезентација во Пјонгјанг во 2019 година, како дел од квалификациите за Светското првенство во 2022 година. Потоа се повлече од натпреварувањето, наведувајќи ги како причина здравствените грижи поврзани со пандемијата на Ковид-19.
Ново на Сител
-
Меѓунарадните набљудувачи со оценка дека изборите биле организирани ефективно, забелешки за законодавството
-
Владина делегација положи цвеќе на партизанските гробишта во Бутел, во чест на 9 Мај
-
Српските медиуми за изборните резултати и победата на ВМРО-ДПМНЕ и Гордана Сиљановска Давкова
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево