Почина Проф. Др. Александар Ношпал

По кратко боледување почина Проф. Др. Александар Тоде Ношпал, роден на 08 ноември 1945, во Скопје.

Ношпал беше дипломиран машински инжењер, дипломирал 1969 на Електро-Машински факултет - Скопје.

Станал Магистер на науки во 1974, на Универзитет на Ајова, Ајова Сити, САД, во областа на Механиката и Хидрауликата. Во 1980 се стекнал со титулата „Доктор на науки“, на Универзитет во Белград (СФРЈ).

Работел како редовен професор на Машински факултет, Институт ХПА - Хидраулика, пнеуматика, автоматика (академски звања: 1969 - асистент, 1977 - предавач, 1981 - вонреден професор, 1986 - редовен професор).

Од 1986 - 1991 - Заменик на претседателот на Републичкиот комитет за наука, технолошки развој и информатика (сега Министерство за наука и образование). Во 1990 - 91ва година бил вршител на должноста Претседател; Универзитет на Ајова, Ајова Сити, САД, на Институтот за Хидраулично истражување, звање - асистент за научно-истражувачка работа.

Држел настава на повеќе предмети од областа Хидротехника, пнеуматика и автоматика. Научен интерес: применета и експериментална механика на флуиди, струјно-технички мерења, хидраулични машини, автоматика. 

Издал преку 200 научни и стручни трудови, проекти, студии, рецензии и друго, публикувани во земјата и странство.

Престои во повеќе познати светски универзитети и научни институции. Значајни изборни функции и именувања во Факултетот, Универзитетот и  Државата.

ЕУ ТЕМПУС академски експерт и член на повеќе професионални здруженија и тела.

Погребот ќе се одржи на 13.04.2025, недела, на градските гробишта во Бутел, од 13:00 часот.