Почнува 8. Филозофски филмски фестивал
Со проекција на филмот „Ограда против зајаци“ на Филип Нојс, во Кинотека на Македонија вечер од 19 часот ќе биде отворен 8. Филозофски филмски фестивал. Тој е дел од ревијалната програма „Филм-филозофија“ во која ќе има уште пет филмски наслови, придружени со излагања на универзитетски професори и режисери од Македонија и странство и отворена дискусија со публиката за тема инспирирана од филмот.
На годинашниот фестивал, кој во организација на Филозофското друштво ќе трае до 19 април, во официјалната програма ќе бидат прикажани шест долгометражни и 22 кратки филмови. Тие ќе се натпреваруваат за наградите „Златен був“ - за најдобар филм од жирито и од публиката.
Во селекцијата долги филмови, избрани од Кирил Трајчев, професор на Филмската академија на Штипскиот универзитет, се унгарскиот „Граѓанинот“ на режисерот Роланд Враник, украинскиот „Шопенхауер шизофренија“ на Аристарх Нескупов, бразилскиот „Млади и бедни“ во режија на Тиаго Б. Мендонса, романскиот филм „Крај мене“ на Теди Некула, германско-косовската копродукција „Ехо“ на режисерот Дрен Жерка и иранскиот филм „Долг ден“. Кратките филмови, избрани од селекторот Дејан Здравков, ќе бидат прикажани во две вечери, на 15-ти и 16 април.
Ќе има и едукативна програма посветена на најмладата публика и ФФФ Караван по завршување на фестивалот - патувачко кино со филмови од главната програма во Штип, Свети Николе, Прилеп, Битола и Охрид.
Фестивалот почна во 2010 година во организација на Институтот за филозофија, а сега е поддржан од Агенцијата за филм на РМ, Министерството за култура и Град Скопје. Соработува и со Филозофскиот факултет на УКИМ и со четирите филмски академии (Скопје, Штип, Охрид и Универзитеот ЕФТА).
Ново на Сител
-
Министерот Мисајловски во Вашингтон на билатерални одбранбени консултации со САД
-
Мицкоски: Албанскиот јазик не е загрозен, лично го почитувам и тоа го покажуваме со дела
-
Курти: Нападот во Бањска беше терористички чин на агресија против територијалниот интегритет на Косово
-
Мицкоски: Предвидени се пари за раст на платите во јавната администрација за наредната година
-
Од денеска цените на дел од прехранбените производи треба да бидат намалени
-
Повеќе лесно повредени лица во сообраќајна несреќа на крстосница на регионалниот пат Куманово-Свети Николе
-
Минималните трошоци во септември 61.306 денари, ССМ се надева дека ако се почитува одлуката на Владата, ќе се намалат трошоците за храна
-
СВР Битола поднесе кривични пријави против осум лица поради предизвикување пожари