Поетот Јован Стрезовска добитник на наградата „Державин“
Поетот Јован Стрезовски е добитник на наградата „Державин“ што се доделува за најдобра стихозбирка објавена во периодот од јули 2015 до јули оваа година. Високото признание Стрезовски го доби за поетската книга „Времено и трајно“, објавена во издание на „Матица македонска“.
Одлуката за наградата, што ја доделуваат Друштвото на писателите на Македонија и Славјанскиот универзитет „Гаврило Романович Державин“ од Свети Николе, едогласно ја донела жири комисијата во состав: Иван Чаповски (претседател), Стојан Тарапуза и Паскал Гилевски.
Жирито, како што соопшти денеска ДПМ; оценува дека најновото поетско остварување на Јован Стрезовски се одликува со високи естетски дострели кои се вградуваат во ризницата на трајните вредности на македонската литература.
- Стихозбирката „Времено и трајно“ е израз на богатото творечко искуство на Јован Стрезовски низ кое се преткојавуваат едноставноста на кажувањето и слоевитоста на поетските пораки и значења, се вели во одлуката за доделување на наградата „Державин“.
Свеченото врачување на наградата „Державин“ на Јован Стрезовски ќе се одржи на 12 октомври, во организација на ДПМ и на Славјанскиот универзитет „Гаврило Романович Державин“, кој е донатор на паричниот износ, а по повод претстојното одбележување на 70-годишнината од основањето на македонската писателска асоцијација.
Доајенот на ДПМ, Јован Стрезовски, годинава одбележа 85-годишен животен јубилеј и 60 години творечка дејност. Како поет, раскажувач, романсиер и писател за деца, создаде опус од четириесетина дела. Беше долгогодишен директор на Струшките вечери на поезијата и претседател на Собранието на ДПМ.
Ново на Сител
-
Вучиќ и Курти потврдиле присуство в среда во Брисел
-
Муцунски: Членството на земјите од Западниот Балкан во ЕУ е геостратешка инвестиција во мирот, безбедноста и стабилноста на Европа
-
Падната топола го блокира патот од Битола кон селата Дрогожани, Секирани и Црновец
-
Претседателката Сиљановска Давкова ги прими премиерот Мицкоски и членовите на новоизбраната Влада
-
Ограбена скопјанка во автобус
-
Тошковски најави интензивни мерки за да се нормализира издавањето лични документи
-
ЦУК го соопшти начинот за обесштетување на граѓаните кои претрпеле штети од природни непогоди
-
Хоспитализирани уште седуммина со голема кашлица, вкупно 786 случаи во државава