Пописот е задолжителен и Законот предвидува санкции за непочитувачите, вели Симовски

На прашањето што доколку добие масовност појавата на непримање на попишувачите дома директорот на ДЗС во своето гостување во Тема на денот рече дека пописот е задолжителен и Законот предвидува санкции.

- Прво мора да сфатат граѓаните дека тоа е граѓанска обврска. Ова не е доброволна активност. Пописот е задолжителна активност и Законот предвидува санкции, кои јас не би сакал да се применат, меѓутоа има начин на присила. Сакаме луѓето да разберат дека оваа акција е во интерес на сите. Не правиме попис затоа што некому му текнало, паднало на памет дека ќе прави попис, ќе троши толкава сума на пари, ќе го малтретира население топо дома...туку сите сфаќаме колку ни се потребни овие податоци. На крајот на краиштата добра школа ни беше неуспешниот попис во 2011 година и сега сите чувствуваме колку недостасуваат тие податоци, изјави Симовски.