Пороен дожд и грмежи - големо невреме во некои делови низ Македонија
Повремено поројни дождови проследени со ретки грмежи има утрово во западните делови од земјава. На повисоките планини врнежите се од снег проследени со засилен ветер. Во Маврово врнежите од дожд преминаа во снег. Во централните делови облачноста е намалена, а во Скопската и Струмичката котлина има појава на магла со намалена видливост од 200 до 500 метри. Дува слаб до умерен, а на повисоките места и во јужните делови повремено засилен западен ветер.
Во последните 24 часа наврнат е воден талог од 36 литри на метар квадратен во Маврово, Пожаране 31, Крушево 14, Тетово 13, Охрид девет, Скопје-Петровец и Гевгелија шест, Скопје-Зајчев Рид и Битола пете, Прилеп и Ѓуриште четири, Крива Паланка и Струмица два и Берово и Виница два литри.
Минималните температури секаде била над нулата, освен во Пожаране каде се измерени минус еден. Највисока била во Демир Капија шест степени.
Преку денот времето ќе биде значително потопло со сончеви периоди. Попладне облачноста ќе се зголеми и во вечерните и ноќните часови претежно на запад и краен исток ќе има врнежи од дожд, а на повисоките планини од снег. Во крајните западни делови локално ќе наврнат нови 20л/м2. Ќе дува умерен до засилен западен ветер, особено на повисоките места и во јужните делови.
Максималната температури ќе се двиќи од седум до 16 степени.
Во Скопје претпладне ќе има магла, во текот на денот ќе има сончеви периоди со слаб до умерен југозападен ветер. Попладне облачноста ќе се зголеми. Температурата ќе достигне до 10 степени.
Утре ќе преовладува променливо облачно и релативно топло време со сончеви периоди. Претпладне ќе има слаби локални врнежи. Ќе дува слаб до умерен северозападен ветер, поизразен на планините. Ваквите временски услови во поголем дел од земјава ќе предизвикаат нагло топење на снежната покривка. Потоа во почетокот на наредната недела ќе преовладува променливо облачно време со повремени врнежи од дожд, на повисоките планини од снег, претежно на запад
Ново на Сител
-
Каевски ја оперирал ногата, судењето за спортски ваучери се одложи
-
Состојбата во затворот „Идризово“ алармантна, новиот министер денеска во посета
-
Невремето ќе трае до утре, граѓаните да внимаваат од молњи
-
33 издание на меѓународниот хорски фестивал „ТЕХO“
-
Преглед на вести од светот
-
Се уште не е готово супервештачењето - Одложено судењето за Веаповска
-
ВМРО-ДПМНЕ ги повикува обвинителите сериозно да го разгледаат извешајот на ДЗР за инфраструктурни проекти
-
Земјоделците бараат договори за сигурен пласман на производите