Потпишување меморандум за унапредување на правата на децата кои доаѓаат во контакт со законот

 Меморандум за соработка ќе биде потпишан денеска во Владата, за унапредување на знаењето на адвокатите и подобрување на заштитата на правата на децата кои доаѓаат во контакт со законот – деца кои извршиле или се осомничени за кривично дело, деца сведоци и деца жртви.

Меморандумот ќе го потпишат министерката за правда Рената Десковска, претставникот на УНИЦЕФ Бенџамин Перкс, претседателот на Адвокатска комора Љубомир Михајловски и Лазар Нанев, претседател на невладината организација Сојуз за превентива на престапништво и малолетничка деликвенција.

Главната цел на оваа соработка е да се унапреди знаењето на адвокатите и да се подобри заштитата на правата на децата кои доаѓаат во контакт со законот – деца кои извршиле или се осомничени за кривично дело, деца сведоци и деца жртви. Соработката ќе придонесе да се зајакне поврзувањето помеѓу сите институции, прибирањето и користењето податоци за деца во контакт со законот.

Според Законот за правда на децата секој адвокат треба најмалку пет дена во текот на годината да следи специјализирана обука за правда за деца. Меморандумот за соработка предвидува специјализирани обуки за адвокатите што работат со деца во контакт со законот според претходно подготвена програма за теоретска и практична настава.