Прегазен пешак во Кочани, возачот избегал

Вчера во 16.00 часот од Јавната здравствена установа - Кочани во Полициската станица Кочани било пријавено дека на 21.06.2021 околу 19.30 часот, на крстосница од ул.„Страшо Ербапче“ и ул.„Роза Петрова“, патничко возило „рено“, со штипски регистарски ознаки, управувано од Б.М.(31) од Кочани удрило во пешакот Д.И.(51) од Кочани и го напуштило местото на незгодата, информираат од МВР.

Во незгодата Д.И. се здобила со тешки телесни повреди, констатирани од страна на лекар на 29.06.2021, кога таа се јавила на лекарски преглед.

Извршен бил увид на местото на незгодата од Полициската станица Кочани.