Преглед на вестите од светот

Русија изврши еден од најголеми воздушни напади врз Украина, со беспилотни летала и проектили насочени кон енергетската инфраструктура и други цивилни локации во градовите низ земјата. Русија лансираше околу 120 проектили и 90 беспилотни летала во „масивен“ комбиниран воздушен напад врз енергетската инфраструктура на Украина, соопшти украинскиот претседател Володимир Зеленски.

Жителите на Киев бараа засолниште во подземните метро станици додека дојдовните проектили беа пресретнати над главниот град.

Се сумираат податоците за ранетите и загинатите. Познато е дека кај Николаев има двајца убиени, меѓу кои и едно дете, и ранети. Двајца вработени во железницата загинаа во Днепропетровск.

Ракети ги погодија регионите Киев, како и во други градови низ земјата, вклучително и Одеса на брегот на Црното Море и југоисточниот град Запорожје.

Најмалку 10 Палестинци загинаа, а 20 се ранети во израелски напад врз училиште во бегалскиот камп Шати во градот Газа, каде во моментов се наоѓаат раселените семејства. Во училиштето Абу Аси кое го управува ОН, каде што се во тек спасувачките операции, можеби сè уште има луѓе заробени под урнатините, изјавија здравствените власти. Засега нема коментар од израелските власти.

 Во војната во Појасот Газа, според здравствените власти на таа територија под контрола на Хамас, досега загинале 43.799 луѓе.

Осум луѓе починаа и 17 други се повредени по инцидент со нож пред училиште во источна Кина. Како што соопшти полицијата, уапсен е 21-годишен човек на стручниот и технички колеџ за уметност и занает во градот Вукси.

Во соопштението на полицијата се додава дека тој матурирал во училиштето во 2024 година и го извршил нападот откако „не успеал да ја добие својата диплома поради слабите резултати од испити“, и дека не е задоволен од неговата плата на пракса.

Тој го признал делото „без двоумење“, изјави полицијата. Денеска пред универзитетот имаше силно полициско обезбедување, а граѓани, пријатели и семејства на убиените положуваа цвеќе во нивни спомен.