Прекин во напојувањето со електрична енергија во тунелите кај Демир Капија

Сообраќајот на државните патишта се одвива непречено по претежно суви коловози. Денеска се изведуваат градежни работи при поставување на индуктивни јамки за броење на возила на Автопат А1, делница Градско – Неготино за што ќе се изврши промена на режимот на сообраќај.

Денеска од 09:30 до 10:00 часот ќе има прекин во напојувањето со електрична енергија во тунелите кај Демир Капија на автопатот, поради изведување на електричарски работи од ЕВН.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Од 15 ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15 март 2019 година.