Привремената грчка Влада денеска ќе положи заклетва
Новата привремена Влада на Грција, што ќе ја води земјата до парламентарните избори, денеска ќе положи заклетва.
Времената премиерка на Грција, Василики Тану која вчера положи заклетва, синоќа и официјално ја презеде функцијата од Алексис Ципрас.
- Со задоволство Ви посакувам добредојде, бидејќи ја поздравувам првата жена премиер во историјата на грчката демократија. Сигурен сум дека и вие и Владата која утре ќе ја именувате ќе работите најдобро што можете. Сакав да Ви посакам се најдобро. Ќе сторам се што е можно да се одржат избори во цивилизирана средина, рече Ципрас на средбата со Тану.
Грчката премиерка, пак, рече дека иако главната улога на привремена Влада е да спроведе избори, можеби ќе треба да се преземе и дејствија за тековните кризи, како што е миграцијата.
- Главната улога на привремената Влада, како што знаат сите, е да спроведе фер избори. Но, верувам дека оваа Влада ќе биде повикана да се справи со клучни прашања, како што е миграцијата, изјави Тану, додавајќи дека нејзината Влада ќе стори се за да ги извршува своите обврски на најдобар можен начин.
Во меѓувреме, грчката државна агенција АНА-МПА, повикувајќи се на свои извори, го соопшти составот на привремената Влада.
Министер за надворешни работи ќе биде Петрос Моливијатис, министер за финансии Јоргос Хулиракис, министер за одбрана Јоанис Јангос, министер за внатрешни работи Андонис Манитакис, за административни реформи Михалис Спурдалакис, за цивилна заштита Андонис Макридимитрис, за култура Марина Ламбраки-Плака, за правда Димитрис Папангелопулос, за економија Никос Христодулакис, за образование Фросо Киау, за транспорт Христос Зоис, за труд Димитрис Мустакас, за туризам Алкистис Протопсалти, за здравство Атанасиос Димопулос, за борба против корупцијата Панајотис Николудис, додека портпарол на Владата ќе биде Родолфос Моронис.
Ново на Сител
-
Сиљановска Давкова во Њујорк оствари средба со Ахим Штајнер, администратор на УНДП
-
Тошковски: Нов софтвер за менаџмент на воздухопловни полициски операции, дигитализација на процесите за модерна и ефикасна полиција
-
Во гаража во Белград пронајдено поголемо количество оружје
-
Либански власти: Повеќе од 31.000 луѓе преминале во Сирија во изминатите два дена
-
Вооружен грабеж на комбе со пари во близина на Атина
-
Комисија на Претставничкиот дом: За обидот за атентат врз Трамп виновна е Тајната служба, а не локалната полиција
-
Бајден ги покани лидерите на 50 земји на состанок на Контакт групата за обезбедување одбранбена помош за Украина
-
Дел од Карпош утре без струја