Пронајдени 63 мигранти кај Штип, возачот избегал

Утринава околу 04.00 часот на регионалниот пат Штип – Кадрифаково, кај нас. Три Чешми, полициски службеници забележале товарно возило „ивеко“ со скопски регистарски ознаки, кое се движело од Штип кон с.Кадрифаково.

Во еден момент возачот го запрел возилото и го напуштил местото.

Полициските службеници извршиле преглед на возилото, при што во просторот определен за товар биле затекнати 63 мигранти од кои 18 малолетни лица (62 лица биле од Авганистан и едно од Сомалија), соопштуваат од МВР.

Увид бил извршен и се преземаат мерки за расчистување на случајот.