Протест во Скопје, посебен сообраќаен режим на неколку улици во центарот
Со транспаренти „За народна власт“ и извикување „Македонија! Македонија!“ и „Никогаш Северна, само Македонија“ денеска од пред седиштето на Европската унија во Скопје започна протест, што беше најавен на социјалните мрежи како „Семакедонски народен собир“ против омаловажувањето на македонскиот национален идентитет и достоинство“.
Од пред седиштето на ЕУ, Страшко Олумчев – претседател на Македонска народна партија, порача дека ова е протест на македонскиот народ, незадоволен од 30-годишното работење на македонското Собрание.
– Нас ни ги спорат правото на самоидентификување и во тој случај, ние Македонците имаме право, од бога дадено, да си го браниме, да си го чуваме идентитетот и државата. Премногу жртви Македонија има дадено низ вековите, за да дозволиме корумпирани политичари под команда на Брисел и светската влада во сенка да не ништат и да не бришат, изјави Олумчев.
Протестот е планирано да заврши пред Собранието.
Поради протестот попладне од 15 часот во централното подрачје на Скопје е воспоставен посебен сообраќаен режим. Затворени за сообраќај до завршување се: ул. „Кирил и Методиј“, бул.„Св.Климент Охридски“, ул.„Димитрие Чуповски“, ул.„11-ти Октомври“, ул.„Македонија“ и ул.„Даме Груев“, а сообраќајот ќе биде пренасочен по бул.„Кочо Рацин“, бул.„Митрополит Теодосиј Гологанов“, бул.„Партизански Одреди“, ул.„Павел Шатев“, ул.„Антон Попов“ и други околни сообраќајници.
Ново на Сител
-
Угинаа две лами во скопската Зоолошка - Кај првата е утврдено дека имала туберколоза
-
Тема на денот со Гордан Јорданов, од Обединета македонска дијаспора
-
Уапсен директорот на Геријатрија – земал поткуп од 20 000 евра
-
Обвинителството нема да го гони судијата за поправањето оценки
-
Мицкоски: Правдата за Теодора не е задоволена, Судски да ја преиспита работата на тетовскиот судија
-
Четворица од повредените во Кочани во подобрена состојба денеска се испишани од софиската болница “Пирогов”
-
Филипче повика на уставни измени, ВМРО-ДПМНЕ возврати дека е апсурдно да зборува за ЕУ
-
Меџити: Таравари да одлучи или со нас во Влада, или е со ДУИ