Се уште е рано да се одреди крајната цена на струјата

Ако Регулаторна ги прифати барањата на енергетските компании, цената на сметка  за струја од 1000 денари би се зголемила за најмногу 50 денари, но под услов ЕСМ да не ја зголеми цената за произведената струја што треба да ја понуди на следниот тендер кој ќе се одржи во јуни.

Првиот човек на Регулаторна не очекува значајно поскапување. Вели дека тоа се  барања на компаниите кои тие допрва ќе ги разгледуваат. Но, нема да прифати никакви дополнителни трошоци кои не се однесуваат дирекно на дистрибуцијата и преносот на струја.

Сепак, најголемо влијание на крајната цена на струјата ќе има понудата ЕСМ, односно цената по која ЕСМ ќе ја продава струјата на универзалниот снабдувач во следните шест месеци.

Крајната цена за регулираниот пазар на струја од каде се снабдуваат домаќинствата ќе се знае до крајот на јули, а ќе важи од август.

Лани струјата поскапе за 7,4‰

Мирјана Јовеска