Спречен обид за премин на 137 мигранти од Турција во Грција

Турските власти спречија обид на 137 илегални мигранти да преминат од Турција на грчките осторви во Егејското Море, јави денеска агенцијата Анадолија.  

Според извори во турските безбедносни сили, 95 мигранти по потекло од Сирија, Авганистан и Ирак се обиделе со три чамци да заминат од турскиот брег кон осторвите Лезбос и Хиос.

Во друг случај, група од 42 мигранти, меѓу кои и повеќе жени и деца, биле приведени додека се обидувале да стигант до островот Кос.

Според податоците на турската крајбрежна стража, во текот на август вкупно 1.603 мигранти биле спречени во обидот да заминат од Турција кон Грција, што е двојно повеќе во споредба со претходниот месец.

Европската агенција за контрола на надворешните граници (Фронтекс). од своја страна, соопшти дека минатиот месец значително се зголемил бројот на мигранти кои од Турција пристигнале на грчките острови во Егејското Море.