Судири меѓу полицијата и муслиманските верници на Ридот на храмовите во Ерусалим
Судири меѓу муслиманските верници и израелските полициски сили избија на Ридот на храмовите во Ерусалим, во време на зголемени тензии поради совпаѓањето на еврејски и муслимански верски празници.
Полицијата тврди дека муслиманските верници ги започнале нередите и оти упатувале „националистички повици“ на Ридот на храмовите, свето место и за Евреите и за муслиманите.
Полицајците ги растерувале со солзавец, гумени куршуми и други средства за контрола на нереди.
Насилството се проширило и на околното подрачје и неколку мажи опколиле и нападнале возило, управувано од Евреин, пред да ги растера полицаец кој пукал во воздух.
Полицијата распореди дополнителни сили во цел Ерусалим во очекување на нереди во текот на цел ден.
Политичкото раководство донесе одлука Ридот на храмовите денеска да се затвори за немуслиманите, бидејќи денеска почнува муслиманскиот празник Курбан Бајрам, со кој се слави крајот на аџилакот во Мека и еврејскиот ден на постење Тиша Б`Ав, кога Евреите жалат поради разорувањето на древните храмови кои некогаш стоеле на Ридот на храмовите и сите катастрофи во историјата на Евреите.
Врз основа на безбедносна проценка, полицијата соопшти дека на немуслиманите треба да им се забрани денеска влез на Ридот на храмовите, каде десетици илјадници муслимански верници пристигнаа ова утро. Стотици Евреи се собраа пред капијата која води до светото место.
Ново на Сител
-
Маж си ги убил 13-годишниот син и поранешната сопруга во БиХ
-
По 17 години расчистен случај на кражба на банка во Атина со одземени над четири милиони евра
-
Вашингтон пост: Претставници на Белата куќа размислуваат за намалување на буџетот на федералните агенции од 30 до 40 проценти
-
Шолц: Не смее да има наметнат мир во Украина, какво било решение мора да ја вклучи Америка
-
Две лица осомничени за над 10 кражби приведени во Тетово
-
Писториус: Русија ќе остане закана за европската безбедност дури и ако се постигне мир во Украина
-
Сите средни училишта во Сеул добиле дојави за поставени бомби
-
ЛДП: Рисот како консензуално решение за новиот државен грб