Уапсен наркодилер во Тетово, торбата со марихуана ја фрлил во туѓ двор
Еден килограм непозната зелена тревлива материја најверојатно марихуана пронашла тетовската полиција во торба фрлена во двор од куќа на улицата „146“ во Тетово, информираше портпаролот на СВР Тетово Марјан Јосифовски.
Според него, осомничен дека ја фрлил торбата е тетовецот Р.Л. (43) кој бил приведен од полицијата додека пешки се движел по улицата вчера околу 15 часот. Полицијата имала претходни сознанија дека Р.Л. пренесува наркотични средства. Откако тој ги забележал полицајците се обидел да избега и ја фрлил торбата во двор од куќа, но за кусо време бил совладан и приведен иако давал активен отпор.
- Торбата со марихуаната е одземена, фотодокументирана и ќе се вештачи додека Р.Л. е задржан во Полициската станица Тетово за натамошна постапка. Во текот на денешниот ден во координација со јавен обвинител со соодветен поднесок тој ќе биде изведен пред судија во претходна постапка на Основниот суд Тетово, рече Јосифовски.
Вчера бил приведен и М.Л. (27), роднина на Р.Л., кој бил во непосредна близина и со мобилен телефон го снимал неговото лишување од слобода, но по разговорот со него тој е пуштен и против него ќе биде поднесена соодветна пријава.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд