Валтонен: Веднаш ќе почнат активностите за 15. пакет санкции против Русија
Веднаш ќе почнат активностите во врска со 15-тиот пакет санкции против Русија, најави финската министерка за надворешни работи Елина Валтонен.
„Сигурна сум дека ќе можеме да ги ажурираме и списоците на санкционирани субјекти“, рече Валтонен на состанокот на Советот на Европската унија (ЕУ) за надворешни работи, што се одржа во Луксембург.
Советот на ЕУ ја усвои 14-тата рунда санкции против Русија, со цел да се фати во костец со заобиколувањето на постоечките мерки и дополнително да го ограничи профитот на рускиот енергетски сектор, јавува „Киев Индипендент“.
Новиот пакет санкции вклучува рестриктивни мерки против 116 поединци и субјекти одговорни за активности кои го нарушуваат или загрозуваат територијалниот интегритет, суверенитет и независност на Украина, со што се зголемува бројот на поединци и субјекти против кои се воведени рестриктивни мерки на вкупно повеќе од 2.200. Новиот пакет санкции вклучува забрана за претовар на руски течен природен гас на територијата на ЕУ за понатамошна испорака до трети земји. Валтонен рече дека преговорите за 14.
пакет санкции траеле долго, но дека опсегот на санкциите е многу широк. Сите земји-членки на ЕУ имаа свои ставови, кои требаше да се разгледаат.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија