Велешки полицаец повреден при интервенција за нарушен јавен ред и мир
Полициски службеник од Полициската станица во Велес вчера при интервенција по претходно нарушен јавен ред и мир во поголем обем, бил удрен со камен по главата од страна на непознато лице.
Полицискиот службеник изгубил свест, а лицето побегнало во непознат правец. На полицискиот службеник му била укажана лекарска помош во Општата болница во Велес, каде што му била констатирана телесна повреда и е задржан на лекување.
МВР соопшти дека полицискиот службеник забележал како непознатото лице се обидувало со каменот да удри друг полициски службеник. Со цел да го спречи во намерата, полицискиот службеник го фатил за двете раце, но тоа успеало да се оттргне и со каменот го удрило него во пределот на главата.
По преземените мерки и активности утврден бил идентитетот на лицето. Се работи за Б.З. (22) од Велес. СВР Велес презема мерки за негово пронаоѓање и за целосно расчистување на случајот.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци