-->
-->
Во Куманово по прв пат Бадникова литија
-->
Празнувањето на Бадник во Куманово по прв пат го најавија деца кои учествуваа во Бадникова литија.
Поворката започна од Соборниот Храм „Свети Никола“ и продолжи по кумановските улици, при што посети неколку домови, трговски објекти, семејства, како и општината Куманово.
Пеејќи ја песната Вечниот Бог, децата добија пригодни подароци и предизивикаа внимание кај случајните минувачи од ваквиот начин на прослава на Бадник, ден пред Божиќ.
- Идејата беше да одиме и во Старо Нагоричане и децата од таа општина да ни се приклучат, но временските услови го попречија овој план, изјави Ружица Денковска, една од иницијаторите на литијата.
Таа посочи дека добиле поддршка од кумановско-осоговската епархија.
По иницијатива на децата - учесници во поворката, средствата кои ќе се соберат ќе бидат донирани на болното момче од Кратово.
Градоначалникот на општина Куманово, Зоран Дамјановски ги прими децата и ги даруваше со пригодни подароци. Тој го поздрави овој начин на прослава на Бадник и Божиќ.
-->
-->
-->
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид